Vi sender no ut melding til alle dei som dette kan omfatte. Har du fått eit slikt varsel kan du sette fram krav om tilbakebetaling av avgifter for den aktuelle perioden dersom:
- Det aldri har vore gjennomført feiing eller tilsyn med fyringsanlegget du har betalt avgift for.
- Første gjennomførte feiing eller tilsyn med fyringsanlegget blei utført i løpet av perioden 01.01.2021 til 05.09.2024.
Dersom du meiner at feiaren/brannførebyggaren ikkje har vore på staden i perioden vi viser til, men har utført teneste knytt til fyringsanlegget før denne perioden, vil du såleis ikkje ha krav om tilbakebetaling.
Desse vilkåra vil gjelde for både bustader og fritidsbustader
Meiner du at du er omfatta av vilkåra for tilbakebetaling, kan du sende e-post til post@sognbrann.no, og krevje tilbakebetalt innbetalte avgifter. Alternativt kan du sende brev til Sogn brann og redning IKS, Postboks 153, 6851 Sogndal. Ber om at kravet vert sendt oss innan 01.08.2024.
Du må oppgje kven som er adressat på fakturaen, kva eigedom og/eller adresse det gjeld. Dette blir sjekka med opplysningar i vårt fagprogram for å stadfeste eller avvise kravet.